Полицијата уапси двајца возачи кои со своите возила удрија пешаци во Скопје

Полициски службеници од СВР Скопје го уапсија И.С.(45) од Скопје, затоа што вчера околу 21.50 часот во Скопје, на крстосница од ул.„Адем Демачи“ со ул.„Методија Митевски“, со возило „фиат“ удрил во пешакот А.А.(57) од Скопје.

Следете a1on на Instagram

Пешакот е пренесен за укажување на лекарска помош во ГОБ „Св. Наум Охридски“, каде му се констатирани тешки повреди.

Известен е јавен обвинител, а увид извршила екипа од СВР Скопје И.С. е задржан во полициска станица, а возилото е одземено за понатамошна постапка.

Исто така, полициски службеници од СВР Скопје го уапсија Б.Х.(52) од Република Турција, со живеалиште во Скопје, затоа што вчера околу 17.30 часот во Скопје, на крстосницата од ул.„Филип Втори Македонски“ со ул.„Мирче Ацев“, со возило „цитроен“ удрил во Л.М.(48) од Скопје.

Следете a1on на Youtube

Во несреќата со тешки овреди се здобила Л.М., констатирани во ГОБ „Св.Наум Охридски“.

Увид на местото на несреќата извршила екипа од СВР Скопје, а по наредба на јавен обвинител возачот е задржан во полициска станица, а возилото е одземено за понатамошна постапка.

Од МВР велат дека по целосно расчистување и документирање на случаите, ќе бидат поднесени соодветни пријави.