По налог на Јавното обвинителство за организиран криминал, припадници на Управата за криминалистичка полиција (УКП) уапсија седум члена на организирана криминална група, осомничени за организирање и извршување на две убиства.
Станува збор за убиството на Милан Стоковиќ во областа на Пожаревац – кој бил киднапиран на денешен ден минатата година – и убиството на Живко Бакиќ во Белград, извршено во јануари 2026 година.
Уапсените лица се Р.Ѓ., М.И., А.С., А.С., П.М. и С.Д. од Белград, како и Н.Ж. од Пожаревац, соопшти Обвинителството.
Во кривичната пријава се наведени и имињата на А.Н. (моментално во притвор во Белград), М.С. (на издржување затворска казна во Македонија), А.Б. (во притвор во Грција), Д.Т. (во притвор во Белгија) и С.П. (кој е во бегство).
Осомничените се товарат за кривични дела кои вклучуваат здружување заради вршење тешко убиство и киднапирање, како и недозволено производство, поседување, носење и тргување со оружје и експлозиви, и неовластено производство и дистрибуција на наркотични дроги.
По првичниот полициски притвор, сите осомничени ќе бидат изведени пред Јавното обвинителство за организиран криминал заедно со кривичната пријава, по што ќе бидат сослушани.