Вечерва по фудбалскиот натпревар Македонија – Србија е спречен поголем инцидент.
Порталб, портал на албански јазик, објави дека полицијата успеала да спречи поголем инцидент, вечерва околу 23:30 на плоштадот кај споменикот на Скендербег.
Како што пишува порталот, поголема група српски навивачи се обидела да се пресмета со локални граѓани од албанска националност. Летале камења и шишиња.
Нема повредени, а полицијата реагирала брзо и спречила инцидентот да ескалира.
И на социјалните мрежи се појавија информации. Граѓани сведочат за инцидентот, со укажување дека било опасно и страшно.
Фото: Макфакс