Засилена полициска контрола се врши вечерва низ скопските улици, поради состојбата со коронавирусот. Полицaјци со ротациони светла патролираат со цел да спречат собирање и забави на отворено, како и да извршат проверка дали локалите се затворени.
Контролата е зајакната особено во делот на Чаир, Водно, како и одредени места за кои МВР има сознанија и утврдила дека изминатите денови имало непочитување на мерките кои ги донесе Владата.
Со ова, МВР покажува дека се зајакнува контролата за проверка дали се почитуваат мерките кои се донесени за да се спречи ширењето на коронавирусот преку локална трансимисија.
„А1он“ веќе објави дека по донесените мерки за затворање на кафичите и угостителските објекти за посетители, млади лица се журкаат на Водно.
По ова, заменик техничката министерка Славјанка Петровска посочи дека полицијата нема да предупредува туку ќе приведува бидејќи станува збор за кривични дела, а на тој начин ќе се спречи ширењето на заразни болести.