Полицијата растури собир во црква, свештеникот и 15 учесници спроведени во полициска станица

Од:

Полицијата растурила собир во црква кој се организирал во тетовска Брвеница. Од Министерството за внатрешни работи велат дека постапувале по пријава, а при увид биле затекнати повеќе од 15 лица кои не ги почитувале мерките за заштита од коронавирусот.

Учесниците, заедно со одговорното свештено лице на црквата, биле повикани во полициска станица, а за собирот ќе следуваат и казни.

„На посоченото место веднаш се испратени служби на СВР Тетово, кои ги презеле сите потребни мерки и веќе се идентификувани петнаесетина лица, кои присуствувале на собирот, а во Полициската станица Тетово повикано е и одговорното свештено лице на црквата. СВР Тетово продолжува со идентификување на сите инволвирани и по целосното расчистување и документирање на случајот ќе следуваат соодветни поднесоци“, велат од МВР.

Полициска патрола и вчера растури собир покрај оган во скопското село Орман. Сите учесници на настанот беа спроведени во полициска станица и ќе им бидат поднесени пријави.

Министерството за внатрешни работи апелираше до граѓаните да не организираат какви било групирања, односно да ги почитуваат мерките за справување со коронавирусот.

Би можело да ве интересира

Приведено 87-годишно лице кое возеше во спротивна насока на булеварот Партизански одреди

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци