Националниот превентивен механизам, при институцијата Народен правобранител во текот на минатата година извршил посета на 30 места каде се сместени бегалците по што е утврдено дека полицијата нечовечки се однесувала кон мигрантите при нивно спроведување во возилата.
-Тимот на Националниот превентивен механизам неспорно утврди нехуман, нечовечки третман и однос од страна на полицијата спрема бегалците меѓу кои имаше и жени и деца, при нивно спроведување во возило. Утврдена е и употреба на присилба од страна на припадниците на МВР кои не беа заведени во официјалната евиденција, рече заменик Народниот праворанител, Васка Бајрамовска.
Таа исткна дека од страна на надлежните органи не било постапено по барањето на Народниот правобранител за доставување видео записи од спроведената присилна депортација на бегалците сместени во Табановце.
Виктор Јованов