Речиси цела трибина навивачи има во салата „Јане Сандански“, иако присуство на навивачи не е дозволено на натпревари во затворени сали. Присутните на мечот меѓу МЗТ Скопје и Еуро Никел од Кавадарци, се во салата од почеток на натпреварот. Интервенираше и полицијата.
Непознато е кој дозволи навивачитe да влезат на трибините, а натпреварот беше прекинат. Ова следува откако полицијата се обидуваше да воспостави ред и да ги спроведе протоколите, односно со опомени да ги извади навивачи надвор. Но, безуспешно. Нема информација дали се изречени и казни.
Ова е првиот натпревар од финалната серија во првата македонска кошаркарска лига. МЗТ е домаќин на натпреварот, а сопственик на клубот е Општина Аеродром.