Полицијата се уште не јавува официјално дали има повредени во денешниот протест за „Монструм“, но од Бит-пазар си заминаа со уништени униформи и опрема.
Со побелени од боја чизми, панталони, горен дел од униформата и замачкани штитови беа многумина полицајци кои стоеја во кордон и не дозволуваа демонстрантите да се движат кон судовите. Кај полицијата на заминување се забележуваа и искршени штитови.
Демонстрантите кон нив фрлаа цели столови, а откорнаа и неколку од железните корпи за отпадоци поставени на улицата и ги фрлија врз полицијата.
Протестот заврши откако полицијата ги потисна демонстрантите и ги принуди да се вратат кон Бит-пазар.
