Вчера околу 7 часот наутро, полицајци од одделението Матејче презеле мерки за пронаоѓање на лице со иницијали Ф.Ќ. во неговиот дом во кумановското село Ваксинце, бидејќи имало распишано потерница за негово апсење за издржување казна затвор.
Ваксинчанецот не бил пронајден дома, но во помошните простории во неговиот дом, при преглед биле пронајдени 44 лица мигранти (25 од Пакистан, 14 од Авганистан, три од Бангладеш и две од Сомалија). 16 од пронајдените мигранти се малолетни лица, соопшти полицијата.
Бил извршен увид и за настанот бил известен и јавен обвинител, по чија наредба мигрантите се пренесени во Транзитниот центар „Винојуг“ – Гевгелија. Се преземаат мерки за расчистување на случајот, велат од МВР.