Полицаецот кој во понеделникот беше најден ранет во градниот кош, според првичните полициски информации, најверојатно се обидел да се самоубие.
Неговата здравствена состојба се подобрува и закрепнува, брифираат од МВР. Полицаецот кој работел како инспектор во СВР Скопје, во понеделникот беше најден ранет на улица „Сава Ковачевиќ“ во скопската населба Кисела Вода.
Триесет и двегодишниот полицаец беше пренесен во болница, а покрај него беше пронајден неговиот службен пиштол и чаура.