Едно лице се здобило со потешки повреди, а три се полесно повредени во сообраќајката која денеска после 12 часот се случи во Росоман, помеѓу патничко моторно возило „пасат” со велешки регистарски ознаки и полициско возило „Јети”.
Дежурниот лекар во Брза помош Кавадарци, доктор Ратко Грков, изјави дека две од полесно повредените лица се полициски службеници, полицајка и полицаец. Сите четири лица на средна возраст, биле пренесени во кавадаречката болница.