Поглаварот на Исламската верска заедница на Република Македонија, Реис Ул Улема Сулејман ефенди Реџепи денеска упати порака во која на сите муслимани им го честита празникот Курбан Бајрам.
„Нашето општество денес, повеќе од кога било до сега, има потреба да му се обрати на Бог, да се врати кон верувањето и варата, затоа што, небрежноста и запоставувањето на Божествените учења, со сигурност не доведуваат до загуба и дегенерација на општествените и човекови вредности во целост.
– Празникот на Курбан Бајрам, на симболичен начин, ја претставува жртвата, односно Курбанот, всушност чин, кој во себе содржи возвишени значења и сеопфатни позитивни ефекти. Ја претставува жртвата за возвишени цели, посветеноста кон идеалите, и постигнувањето на постојано задоволство кај Создателот на универзумот.