Подготвен проектот со кој ќе се врати автентичниот изглед на опожарените конаци на Трескавец

Од:

Изработен е Основниот проект за реконструкција на опожарените конаци на манастирот Трескавец за кој Министерството за култура издвои 500.000 денари.

Согласно проектот што го изготвија стручните служби при НУ Завод и музеј Прилеп, предвидено е враќање на автентичниот изглед на конаците и изградба на параклис на југоисточната страна од манастирот. Во реконструкцијата на конаците ќе бидат употребени современи градежни материјали отпорни на пожар, а предвидено е и поставување армирано бетонска конструкција, како и секторско одвојување на конаците, со што при евентуален пожар ќе се спречи неговото пренесување во другите делови од манастирскиот комплекс.

Проектот е доставен до Управата за заштита на културното наследство каде е во тек постапката за добивање конзерваторско одобрение за реконструкција на конаците. По добивање на решението ќе биде распишана јавна набавка за реализација на проектот.

Манастирот Трескавец е изграден во 13 век и се наоѓа на десетина километри од Прилеп. Во пожарот во февруари годинава целосно изгореа источниот, северниот и западниот конак од манастирскиот комплекс.

Би можело да ве интересира

ВИДЕО: Спасени се две туристки од Полска кои паднале во пресек од карпа над провлија кај „Трескавец“

Се бараат доброволци за гаснење на пожарот кај Трескавец

Наум Локоски

ЦУК: Повторно е активен пожарот во близина на Трескавец

Наум Локоски

Трескавец се уште во опасност, голем број доброволци се борат со огнената стихија

Наум Локоски

Околу 140 луѓе внимаваат на пепелиштето околу манастирот Трескавец

Ана Ололовска

ЦУК: Пожарот околу манастирот Трескавец ставен под контрола

Ана Ололовска