Поддршка на кандидатот за градоначалник на Делчево од СДСМ, Горан Трајковски дадоа ВМРО-НП, Обединети за Македонија и Достоинство.
Гордана Бобулинска од ВМРО-НП од Делчево изјави дека на Централниот комитет на партијата е донесена конечна одлука за поддршка на СДСМ и коалицијата.
– На Централниот комитет одлучивме да не ја поддржиме листата за советници, иако има наш кандидат за советник кој не е избран демократски, туку ќе ја поддржиме листата на СДСМ и кандидатот за градоначалник Горан Трајковски, истакна Бобулинска.
Стојанче Ангелов од „Достоинство“ рече дека Горан Трајковски е вистински кандидат за градоначалник на Делчево бидејќи се работи за чесен човек со одлуки какви што треба да има еден градоначалник.
За Љубе Бошковски од Обединети за Македонија овие локални избори се едни од најважните бидејќи, како што рече, треба да се сруши еден тоталитарен режим и на локално ниво.
– Ова е најважно време во Макеоднија и навистина е новата ера во Македонија која дојде по 11 декември. Тој процес мора да се заокружи, а идеолошките разлики ќе ги оставиме за поубави времиња, кога ќе дојде животот во Македонија, рече Бошковски.