„Зелен хуман град“ доби поддршка од српското граѓанско движење „Не давимо Београд“. Активистите на НДБ ја изразија поддршката преку видео, кое е објавено на Фејсбук страната на ЗХГ.
„Како што ние се бориме за Скопје, во исто време сме во контакт со регионални групи кои на ист начин се залагаат нивните градови да се зелени и хумани! Таков пример е и „Не да(ви)мо Београд“, кои од 2015 година работат за подобрување на животната и социјалната средина во Белград. Само со заедничка соработка и учење од добрите пракси на другите, може да го направиме Скопје зелен и хуман град“, велат од Зелен хуман град.