Земјотрес  со интензитет од три до четири степени според Европската макросеизмичка скала е почувствуван во Скопје и околината денеска во 12 часот и 45  минути, соопшти Сеизмолошката опсерваторија Скопје.

Епицентарот на земјотресот е на околу 20 километри северно од Скопје и потекнува од скопското епицентрално подрачје.

Земјотресот го регистрира телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје.