Во 11 часот и една минута е почувствуван земјотрес во западниот и јужниот дел на Македонија. Потресот со јачина од 4.9 степени по Рихтер е почувствуван и во Црна Гора, Косово и Србија.
Епицентарот е на 30 километри северо-западно од Тирана, Албанија, на длабочина од 10 километри.
Осум минути подоцна уште еден земјотрес е регистриран во Албанија, овој пат со епицентар во Јадранското море, 35 километри северо-западно од Тирана.
Вториот земјотрес беше со јачина од 3.9 степени по Рихтер.
Засега нема информации за материјална штета, но земјотресите предизвикале голема вознемиреност кај туристите во Драч и Валона.