Четири од серијата од 20 земјотреси од соседна Грција, денеска попладне беа почувствувани на територијата на Македонија.
Најсилниот од нив, во 17 часот и 48 минути, според досегашните податоци на Сеизмолошката опсерваторија при Природно математичкиот факултет во Скопје, е регистриран во битолско-ресенскиот регион со интензитет од IV до V степени според Европската макросеизмичка скала – 1998, а во охридскиот регион со интензитет од III степени.
Според соопштението од Сеизмолошката опсерваторија, земјотрес во 13 часот и 6 минути, во 13 часот и 19 минути и во 13 часот и 40 минути биле регистрирани во населените места од битолско-ресенскиот регион со интензитет од III степени според Европската макросеизмичка скала – 1998.
Дваесетината земјотреси што ги регистрираа Апаратите на Сеизмолошката опсерваторија се со епицентри од леринското епицентрално подрачје, од соседна Грција.
