Почнува со имплементација Програмата за прекугранична соработка со Србија

Од:

Министерот за локална самоуправа, Сухејл Фазлиу и амбасадорката на Србија во Република Македонија, Душанка Дивјак Томиќ денеска, на состанок со градоначалникот на Куманово, Максим Димитриевски разговараа за последните подготовки за отворање на канцеларија во Куманово, за имплементација на ИПА Програмта за прекугранична соработка меѓу Република Македонија и Република Србија.

На состанокот на кој присуствуваа оперативните структури од двете земји, министерот за локална самоуправа Фазлиу и амбасадорката Дивјак Томиќ, му се заблагодарија на градоначалникот Димитриевски за поддршката што ја дава општината со отстапување на канцеларија за потребите на Програмата.

Програмата за прекугранична соработка со Србија е нова програма, која ќе биде финансирана со средства од ИПА инструментот на Европската Унија и кофинансирана со средства од буџетот на државата.

Во завршна фаза е процесот на воспоставување на заедничките технички тела, а се подготвува и првиот повик за проекти на кој што ќе можат да аплицираат општини, граѓански организации и други непрофитни субјекти од двете земји.

Заради успешно спроведување на програмата во тек се обуки за подготовка на проектна апликација за потенцијалните апликанти, а исти такви обуки ќе бидат организирани и за заинтересираните субјекти во Србија.

Би можело да ве интересира

Програмата која ја ветивме во најголем дел е остварена, ги вративте општините на вистинскиот пат, вели Мицкоски

Горан Наумовски

Уапсено 19-годишно момче кое носело пиштол, а со него била и малолетничка по која трагала полицијата

Во судар на три возила, повредени се двајца полицајци

ДУИ бара оставки од Исен и Садики-Шаини после скандалот во Куманово

Горан Наумовски

(ВИДЕО) Мицкоски ги осуди скандирањата и ксенофобните испади на неколкумина во салата во Куманово

Горан Наумовски

Нормализиран сообраќајот на регионалниот пат Свети Николе – Куманово