Во населбата Бутел во Скопје денеска ќе биде поставен и осветен камен темелник за изградба на црква посветена на Свети Јован Крстител.
Црквата ќе се гради на местото на ракометното игралиште на некогашниот клуб „Бутел“, а ктитор е Мите Јовановски, сопственик на „Мак оил“.
Според проектот, површината на црковниот објект е над 500 квадратни метри, а нејзиниот највисок дел ќе биде 25 метри. Ќе се изградат и помошни простории за крштевање. Заедно со нив таа ќе зафаќа вкупна површина од над 1.000 метри квадратни. Камбанаријата, пак, ќе биде висока 36 метри.
Планирано е храмот да биде готов за четири години.
