Почна пријавувањето на штетите од пожарот во „Глобал“ во Општинската комисија за проценка

Од:

Сопствениците и корисниците на деловни објекти, кои претрпеа штети од пожарот во Трговскиот центар „Глобал“, почнаа да ги доставуваат барањата за финансиска помош до Општинската комисија за проценка на штети од елементарни и други непогоди.

Според Ацо Ѓоргиев, претседател на комисијата, досега се поднесени десет барања.

-Според единствената методологија за проценка на штети од елементарни и други непогоди, правните лица сами ја проценуваат штетата формирајќи сопствена комисија. Пополнетите формулари ги доставуваат до Општинската комисија, која како збирен извештај го доставува до Советот на општина Струмица и по неговото усвојување ќе биде доставен до Републичката комисија за проценка на штети, а ќе биде даден на разгледување и во Бирото за судски вештачења, појаснува Ѓоргиев.

Додава дека во наредниот период се очекува зголемување на бројот на пријавителите и откако ќе бидат доставени сите барања Општинската комисија ќе ги сублимира во заеднички извештај за штетата.

По пожарот, Општина Струмица им отстапи една просторија во општинската зграда на сопствениците и корисниците, каде заедно со членовите на Општинската комисија точно и навремено можат да ги пополнат формуларите.

Во пожарот, кој избувна ноќта на 2 јануари, опожарен е голем дел од Градскиот пазар, повеќе продавници на приземјето и првиот кат, дел од вториот и третиот, а урнат е и дел од покривот.

Би можело да ве интересира

Волонтерите од „Сите заедно можеме“ ќе ги возат возрасните и изнемоштените до вакциналниот пунк во Струмица

Катерина Павлова-Николовска

Актерите од Струмица до институциите: Бараме одговори по нашите претставки за изборот на директорот фискултурец

Ана Василевска

Скопјани украле платежни картички, па потрошиле 1.500 евра низ Струмица

Жарко Настоски

Тинејџер од Василево силувал немоќна девојка

Жарко Настоски

Јагма за млада зелка во струмичко

Жарко Настоски

Силувана девојка во Струмичко, кривични пријави за три лица