Во рамки на традиционалната роднокрајна манифестација „Спикијада“ денеска на големиот државен, национален и верски празник Илинден, со чинот осветување на темели започна изградбата на нова црква во селото Спиково, во општина Пехчево.
На пригодната свеченост на присутните празникот им го честита, ги поздрави и каментемелникот на новата црква го положи градоначалникот Игор Поповски.
Со празничната богослужба чиноначалствуваше свештенослужителот Горан Димитковски од Малешевското архиерејсто намесништво на МПЦ- ОА.
– Спиково има богата историја, во него постојано но сигурно се враќаат одамна иселените жители. Минатата година изградивме вододвод, годинава планираме реконструкција на патот, а за наредната година и електрификација, изјави Николчо Зафировски, претседател на организациониот одбор на Манифестацијата „Спикијада“.
За сите учесници во програмата и за гостите беше приредена илинденска трпеза со познатите малешевски специјалитети.
„Спикијадата“ продолжи со општонардона веселба.