Во Македонска Каменица почна асфалтирањето на неколку улици и изградба на локални патишта во селата Моштица и Дулица.
Градоначалникот Дарко Митевски кој денеска изврши увид на почетокот на асфалтирањето на улицата „8 Септември“, истакна дека претходно на оваа делница целосно е завршена атмосферската канализација и е поставена воводната мрежа.
– Целосно ќе се обнови асфалтниот слој и ќе се постават нови рабници. Со тоа ќе биде ставена целосно во функција и новоизградената атмосферската канализација по што ќе следува асфалтирање на новата улица изградена кај детското игралиште каде што ќе бидат изградени и два паркинг простора, истакна Митевски.
Тој додаде дека продолжение на овие проекти ќе биде изградбата на нови локални патишта во руралните средини, во селата Моштица 1 и во Дулица, каде ќе се асфалтира патот кој ги поврзува маалата Цоцевци и Доганско маало. Вредноста на проектите е 20 милиони денари, средства обезбедени од Буџетот на Општината.