Од денеска почна асфалтирање на патот до манастирот Трескавец кај Прилеп. Изведувачот на работите, Градежното претпријатие „Гранит“ информира дека се останати уште 400 метри за пробивање.
Инаку, патот е долг 7,5 километри и се гради со околу 2 милиона евра, пари на Министерството за транспорт и врски.
– Како што се одвиваат работите асфалтирањето може да заврши и пред 28. август – Голема Богородица кога е и денот на Манастирот. Се надеваме дека и обновата на конаците може да почне идната пролет, вели отец Калист, редовниот жител на Трескавец.
Како што објаснува директорот на ЈП Водовод и канализација, Сашо Николоски направен е и проект за изградба на водоводот во Манастирот.
Според Заводот и музеј готов е проектот за обнова на манастирските конаци, кои страдаа во катастрофалниот пожар на 4. февруари оваа година.