Во ГОБ ,,8 Септември”, на 64 – годишна возраст, почина д-р Арификмет Деари, уролог од Тетово. Деари бил хоспитализиран заради невролошки проблеми, но и позитивен на Kовид-19. На болничко лекување бил 15 дена.
„Д-р Деари кој беше само на неколку месеци до пензионирањето, е првиот лекар кој почина од компликации на корона вирусот. Изразувам жалење и длабоко сочуство до неговото семејство. Апелирам до моите колеги здравствените работници да се чуваат и заштитуваат, на работното место соодветно на протоклите, но и надвор од него. Апелирам и до граѓаните да ги почитуваат мерките, да се заштитат себеси, здравствените работници и сите свои сограѓани“, напиша на „Фејсбук“ министерот за здравство Венко Филипче.