ВИДЕО: По трет пат одбиена иницијативата на Тодор Петров за референдум за името

Од:

Иницијативата на Тодор Петров за собирање најмалку 150.000 избирачи за распишување нов референдум за името не помина на Комисијата за политички систем како и на Законодавно-правната комисија.

Заменик претседателот на Комисијата за политички систем, Чедо Саздовски, образложи дека инцијативата не е уредна затоа што прашањето не било во согласност со името на државата и дека не може да се распише нов референдум пред исеток на рокот од 2 години по минатиот референдум што се одржа на 30 септември лани како и поради тоа што Собранието претходно на седница ја разгледало оваа инцијатива и донело заклучок дека не е уредна.

На комисијата пратеникот Ферид Мухиќ бараше образложение од предлагачот со каков мотив бара распишување на референдум затоа што веќе Преспанскиот договор е на сила. Според Мухиќ Преспанскиот договор не можел да се поништува и не гледа смисла за распишување референдум.

„Каква и да биде одлуката на референдумот таа не може да делува ретроактивно. Не знам каква е смислата на референдумот кога одлуката нема да има правно дејство. Ако тоа е само од морална смисла да видиме дека граѓаните се незадоволни од промена на името, во ред. Но ако идејата е да се стопираат евроатлантските процеси тогаш сум против“, рече Мухиќ

Петров рече дека граѓаните имаат право да се изјаснат дали се за промена на името или не и дека Собранието треба да им го овозможи тоа. Тврдеше дека прашањрто не е исто со референдумот од лани и рече дека одлуки може да поништува само Уставен суд, а не Собранието.

„Одлуката нема само морална димензија. Прашањето е многу јасно зошто Собранието се плаши од народот. Но Собранието не е тоа кое што може да носи и укинува одлуки, ништо не е трајно и вечно. Ако цената е ЕУ како што тврдите јас и тука не се согласувам. Има членки кои пристапиле на ЕУ и кои отстапиле. Граѓаните теба да кажат дали се за ЕУ под вакви услови“, рече Петров.

Ставот на Петров го бранеше пратеникот од ВМРО-ДПМНЕ Трајчо Димков. Тој тврдеше дека Собранието нема право да го укине граѓанското право на референдум и затоа побара да се усвои барањето на Петров.

Ова беше трета инцијатива на Петров за референдум која е одбиена.

Иницијативата е поткрепена со потписи од 157 граѓани за распишување референдум на кој граѓаните треба да одговорат со „за“ или „против“ на прашањето: „Дали сте за промена на името на државата Македонија во држава Северна Македонија?“.

Габриела Димковиќ-Мишевска

Би можело да ве интересира

Порториканците на референдум ќе се изјаснат дали сакаат да бидат дел од САД

А1он

Камерон: Можно е на Велика Британија да и треба нов референдум

Швајцарците денеска на референдум

Петров: Собранието врши инквизиција на правата на граѓаните

Ана Ололовска

Тодор Петров со нова иницијатива за референдум за името

Ана Ололовска

Студија на ИСИЕ за олеснување на постапката за распишување референдум на локално ниво

Ана Ололовска