Синоќа е запален автомобилот на пратеникот на СДСМ од Прилеп, Хари Локвенец.
Тој вчера беше на потпишувањето на договорот во Преспа, по што објави фотографија на која е со премиерите Зоран Заев и Алексис Ципрас.
Во телефонски разговор со Локвенец изутринава не сакаше да коментира, за повеќе информации пратеникот на СДСМ упати на МВР од каде го потврдија настанот.
Како што е наведено во полицискиот билтен, Х.Л. (48) од Прилеп синоќа во во СВР Битола во 23:05 часот пријавил дека околу 23:00 часот непознат сторител го опожарил патничкото возило „Мини Купер“ со прилепски регистарски ознаки, сопственост на неговиот татко.
Екипа на Територијалната противпожарна единица-Прилеп го изгаснала пожарот.
Полицијата презема мерки за расчистување на случајот.
Виктор Јованов