По четири месеци, постои надеж дека 22 илјади граѓани ќе ги добијат ветените по 6.000 денари државна помош

Од:

Иако во тек е носење на петтиот пакет мерки, државата и натаму ги исплаќа средствата четвртиот пакет мерки. Откако пратениците не успеаја да донесат измени на законот со кој ќе се овозможи на 22.000 граѓани со блокирани сметки без можност за потсметки, да ги добијат ветените 6.000 денари од државата – поднесени се амандмани за рокот да се продолжи до крајот на април. Ако партиите Алијанса на Албанците и Алтернатива ги откочат законите, тогаш, конечно по четири месеци ќе биде исплатена помошта за најзагрозените категории граѓани со низок доход.

„Со амандмани на Законот за финансиска поддршка на ранливи категории граѓани, до 30.04.2021 година се продолжува рокот за исплата на еднократната помош од 6000 денари, од четвртиот пакет мерки. Исплатата ќе се изврши откако Собранието ќе ги усвои овие амандмани. Законската измена ги покрива граѓаните кои имаа блокирани сметки и неажурирани податоци до 25.12.2020. Претходно, на почетокот на јануари, Владата достави до Собранието измена на Законот за финансиска поддршка на ранливите категории граѓани со која се продолжи рокот до 31 март 2021“, велат од Владата за „А1он“.

Кога пратениците ќе ги изгласаат амандманите за законот, Владата ќе може да ги ажурира списоците за „Купувам домашно“ и граѓаните со блокирани сметки од извршители, чии банки одбија да им отворат потсметки, ќе треба да бидат префрлени во други банки кои имаат таква можност.

Блокирањето на Законот за финансиска поддршка од Алијанса на Албанците и Алтернатива со по 1.000 амандмани е поради тоа што нив им е одбиен предлогот содржан во Законот за државјанство, со кој, со три сведоци ќе може да се добие македонско државјанство. Иако станува за економски мерки за помош на граѓаните, тие не отстапуваат ниту од тоа да го одблокираат само овој закон.

Одблокирањето на законот може да се случи најрано по средбата која е најавена помеѓу премиерот Зоран Заев и двете албански партии. Средбата требаше да се одржи неделава, но е одложена. Неофицијално, таа е презакажана за следната недела.

Би можело да ве интересира

Собранието не знае, нема листа кои пратеници гласале за легализација на дивоградбите

Габриела Димковиќ-Мишевска

Владата демантира дека премиерот Заев имал контакти или соработка со Пекер

Влада: Идентитетот и јазикот не може да бидат предмет на преговори

Пратениците сложно изгласаа да продолжи легализацијата на дивоградбите како во времето на Груевски

Ана Ололовска

Во Собранието закажани продолженија на пет пленарни седници

Ана Ололовска

ВМРО-ДПМНЕ ја почна блокадата на измените во Законот за служба во армијата

Жарко Настоски