По повод 22 Април-Светскиот ден на планетата Земја, денеска заедничка средба ќе одржат над 25 еколошки невладини организации од државата, обединети во платформа „Зелена Македонија“ со политичките партии и коалиции, учесници на претстојните претседателски и парламентарни избори.
Еколошките невладини организации сметаат дека во следниот четиригодишен период треба да се преземат мерки за решавање на т.н.„жешки еко точки“ во државата.
– Нарушувањето на животната средина има штетно влијание на здравјето и на животот на луѓето, како и на биодиверзитетот во Република Македонија, сметаат македонските еколошки организации.
На средбата предвидена е презентација на платформата „Зелена Македонија“, а се очекува политичките партии да го соопштат нивниот став за оваа иницијавтива, како и потпишување на платформата „Зелена Македонија“.