Европското движење и Делегацијата на Европската унија во Македонија денеска организираат планинарски марш на Водно, по повод Европскиот ден на знамето.
Маршот почна со традиционална размена на знамињата на Македонија и на ЕУ, пред седиштето на Делегацијата на ЕУ во Скопје. Завршува со поставување на двете знамиња на Водно.
Планинарскиот марш е дел од програмата за одбележување на Денот на Европа, а манифестацијата, освен тоа што има церемонијален карактер, има цел да ги афирмира овој спорт и планинарските рекреативни активности.