Пламна голем пожар во атарот на струшкото село Октиси

Од:

Во близина на струшкото село Октиси, на место викано Октишка Краста, е избувнат пожар од поголеми размери кој претставува потенцијална закана за имотот на населението, соопшти Центарот за управување со кризи (ЦУК).

Како што соопштија оттаму, на терен се присутни екипите на ТППЕ Струга и дел од месното население, но според проценката на командирот на ТППЕ Струга, пожарот се простира на специфичен и непристапен релјеф, што го оневозможува гаснењето од копно.

Поради тоа, додаваат од ЦУК, итно е потребно ангажирање на воздухоплови.

-По барање на градоначалникот на Струга е испратено официјално барање за ангажирање на воздухоплов, а по насока и барање на Центарот за управување со кризи се вршат подготовки за испраќање на воздухоплов за гаснење на пожарот. Авион на Дирекцијата за заштита и спасување „ер трактор“ е веќе на пат кон локацијата за гаснење на пожарот, наведуваат од ЦУК.

ЦУК информира и дека до 12 часот низ земјава се регистрирани вкупно седум пожари на отворен простор од кои активни се три, изгаснати три, додека еден е под контрола.

Активни се пожарите во Општина Македонски Брод – Повеќенаменско подрачје „Јасен“, Општина Струга – Октишка краста и Општина Могила – атар на с. Могила. Под контрола е пожарот во Општина Сарај с.Радуша кон с. Дворце, а изгаснати се во Општина Кичево с. Челопеци, Општина Македонски Брод – с. Крапа и Општина Крива Паланка – атар на с. Нерав, место викано „Биљино“.

Би можело да ве интересира

(ВИДЕО) Драма во Анталија: 800 пожарникари се борат со пожари, наредена е евакуација

(ВИДЕО) Стразбур: Загина маж во пожар, деца скока од прозорци за да се спасат од пламенот, гореше цела зграда

Локализиран е пожарот во близина на Римскиот аквадукт кај Скопје, при гаснењето дошло до инцидент, па реагирала и полицијата

Горан Наумовски

ЦУК: Со денови гори букова шума на Кожуф

Двајца мајстори од Турција запалиja двор во Горно Нерези

Пензионер настрада палејќи лисја