Холандскиот министер за надворешни работи Берт Кундерс вчера прати писмо со сочувство до својот македонски колега Никола Попоски по повод разорните поплави во и околу Скопје и Тетово.
– Во име на Холандија, би сакал да го искажам своето искрено сочувство до Владата и народот на Република Македонија. Нашите мисли се со оние кои загубија роднини и пријатели, со повредените и со оние кои ги загубија домовите, нагласува Кундерс во писмото со сочувство.
Кундерс им посакува на граѓаните на Македонија сила и храброст во справувањето со последиците од трагедијата.