После 8 години на власт, Никола Груевски дури сега се сети на автопатиштата, реагираат од СДСМ по изјавата на премиерот Никола Груевски.
Доцна е! Македонија е презадолжена.
Зошто досега се наплаќаше за делницата кога е таа е во катастрофална состојба? Каде одеа тие пари на граѓаните?
Сега граѓаните се оптоварени со нови повисоки цени и на патарините и за регистрација на возилата, за незапаметени околу 30 проценти.
Од околу 700-тини илјади возила во Македонија, тоа се неверојатни 350 милиони денари земени директно од граѓаните само од регистрациите на возилата.
Ако намерата на власта на Груевски навистина е инвестиции на патишта, тогаш Груевски нека одговори каде се парите на граѓаните од патарините и регистрациите во 8-те години владеење, бидејќи патишта нема.
Или приоритет беа спомениците и галиите, додека граѓаните патуваат по катастрофални патишта од коишто повеќето се и опасни по живот, велат од СДСМ.