Зоран Заев го изгуби легитимитетот, а доказ за тоа е и неоствареното ветување од локалните избори 2013 година за изградба на мултифункционален пазар, истакна на денешната прес-конференција пратеникот од ВМРО-ДПМНЕ, Васил Пишев.
Од локацијата кај што Заев ветил изградба на 15.000 квадратни метри пазар во кругот на поранешната касарна порача дека со овој пример Заев покажал дека не може да реализира проекти.
– Зарем човекот кој не може да реализира проекти во општината каде е градонаќалник има образ да ветува проекти на државно ниво? Но, очигледно камиказа политичарот Зоран Заев. Аболициран за тежок криминал има ѓон образ, рече Пишев.
Додаде дека, народот ќе го казнел Заев, бидејќи според Пишев, тој немал реализација, немал проекти, немал доверба од народот, туку само лажни ветувања и аболиција за криминал.
