ПГ на СДСМ: Недозволиво е да се злоупотребува и блокира собраниската говорница за изнесување лаги

Од:

Пратеничката група на СДСМ попладнево во Собранието на прес-конференција ги оцени денешните обвинувања на ВМРО-ДПМНЕ како потврда за разединетоста на пратеничката група на ВМРО-ДПМНЕ.

– Лагите на пратеничката Стојаноска се спротивни на вредностите и заложбите на сите коишто се бориме за родова еднаквост. Недозволиво е да се злоупотребува и блокира собраниската говорница за изнесување лаги, тоа граѓаните не го заслужуваат, рече пратеничката Лолита Ристова од СДСМ.

За вицепремиерот за европски прашања, рече дека е борец за родова еднаквост, промотор на рамноправноста и силен поддржувач на прогресивните и демократски политики.

Претходно, пратеничката група на ВМРО-ДПМНЕ го обвини вицепремиерот за европски прашања Бојан Маричиќ за недолично однесување кон пратеничката Дафина Стојаноска и од собраниската говорница побара оставка од него. Вицепремиерот Маричиќ преку „Фејсбук“ ги демантираше ваквите обвинувања посочувајќи дека не испратил вербална или гестикулативна порака.

Би можело да ве интересира

Вечерва продолжува собраниската расправа за именување на Славески за гувернер на Народна банка

Парламентот го донесе Законот за ратификација на Договорот со Обединетото Кралство

Парламентарното мнозинство можно е да се зголеми и да биде над 70 пратеници, вели Гаши

Валбона Адили Емини од ВРЕДИ нова пратеничка во Собранието по оставката на Салим Сулејмани

Договорот со Велика Британија пред пратениците

Катерина Ѓуровски

Гувернерското место на Трајко Славески пред пратениците

Катерина Ѓуровски