Петти обид да се суди „Моќник“, каде обвинет е и Антонијо Милошоски

Од:

Утре ќе има нов обид да започне судењето за случајот „Моќник“ кое досега постојано се одложуваше, а каде еден од обвинетите е пратеникот на ВМРО-ДПМНЕ, Антонијо Милошоски. Рочиштето треба да започне од десет часот, ако се појават сите 12 обвинети лица, меѓу кои е и таткото на Милошоски. Ова ќе биде петти обид за случајот да започне да се суди, откако последниот пат, судењето беше одложено бидејќи судот не можеше да го пронајде еден од обвинетите за да му достави покана да се појави на рочиште. Претходно, пак, судењата се одложуваа и поради тоа што меѓу обвинетите имаше и заболени од коронавирус.

Пратеникот на ВМРО-ДПМНЕ е третообвинет во случајот „Моќник“. Тој се товари дека ги сторил кривичните дела измама и злоупотреба на службената положба и овластувања. Прво и второобвинет за измама, пак, се таткото на Милошоски и поранешниот градоначалник на Македонски Брод, Милосим Војнески. Според обвинението, пратеникот Антонијо Милошоски ја искористил својата позиција и вршел континуиран притисок врз државните органи и судовите за да не ја поништат продажбата на зграда од 157 квадратни метри и дворно место од 3 920 квадратни метри во Македонски Брод, а го купил неговиот татко.

Пратеникот Антонијо Милошоски изминатиов период беше актуелен и по објавата на „А1он“ дека тој бил осуден за кривични дела кражба и фалсификување на исправи во 2004, односно 2005 година во Германија. Откако негираше, а „А1он“ објави документи кои потврдуваат дека Милошоски сторил кривични дела пред да биде назначен за министер, тој не одговори на поканата за видео-интервју, каде меѓу другото, ќе може да направи увид во документите. Милошоски иако исконтактиран, тој не одговори ни на повиците да го искоментира случајот и да каже за каква кражба и фалсификување е осуден.

Би можело да ве интересира

Милошоски: ВМРО-ДПМНЕ бара итна собраниска седница за разрешување на Филипче и на Хасани

Катерина Павлова-Николовска

Главната расправа за „Моќник“, поради смртен случај, презакажана за 17 мај

Ана Ололовска

Владата ги демантира тврдењата на Милошоски дека Заев и Спасовски делеле пасоши на борци на ИСИС

Катерина Павлова-Николовска

Милошоски: Мафијата на Спасовски и Заев делела пасоши и на борци од ИСИС

Катерина Павлова-Николовска

Милошоски: Поради аферата „Мафија“, се ризикува безвизниот режим да биде ограничен, или да биде суспендиран

Ана Ололовска

Судењето за случајот „Моќник“ продолжува на 23 април

Ана Ололовска