Петстотини златни балони во чест на децата кои се лекуваат од малигнитети ќе бидат пуштени денеска од плоштадот „Македонија“ во Скопје на настанот „Убаво е да си херој“.
Активноста по повод „Златен септември“, месец посветен на зголемување на свесноста за детските малигнитети, ја организира Универзитетската клиника за детски болести.
На настанот е најавено присуство на министерот за здравство Венко Филипче и директорката на Клиниката за детски болести Наташа Најдановска Алулоска.