Целиот разузнавачки систем бил ставен во функција против претседателот Мицкоски, а со цел задржување на СДС на власт. Пет години претседателот Мицкоски бил таргет на АНБ и АР, бил следен и прислушкуван и секој негов чекор бил документиран, вели пратеникот на ВМРО-ДПМНЕ Бране Петрушевски.
– СДС преку АНБ и АР воделе политичка битка. Службите за безбедност и разузнавање биле целосно злоупотребени. И сега кога се фатени на дело, СДС наместо да се извинат, продолжуваат да сеат магла. Целиот систем на СДС е демаскиран. Злоупотребени се АНБ и АР, но и ЈО, кое преку Љупчо Коцевски ги следело мерките. Не е чудо, што народот има 2% доверба во судството и обвинителството, кога токму тие институции биле дел од системот за следење и прислушкување на политички противници на СДС наместо да работат во служба на граѓаните. За прислушкувањето и следењето мора да има одговорност. Овој случај не смее да помине неказнет, за никогаш повеќе да не се повтори, рече Петрушевски.