Новата локална самоуправа предводена од СДСМ и Коалицијата ќе биде отворена и услужна за сите граѓани, истакна кандидатот за градоначалник на Битола Наташа Патровска.
– Креирањето на буџетот ќе биде инспирирано од потребите на граѓаните, и што е најважно, народните пари ќе бидат трошени одговорно. Граѓаните ќе знаат каде е потрошен секој денар. Досега немаше можности да се знае како и каде се трошат општинските пари иако тоа го овозможува законот за слободен пристап до информации. Со новата локална самоуправа тоа нема да се случува. Ние тоа нема да го дозволиме. Секоја месна заедница, секој граѓанин во секое време ќе добива отчет за тоа каде се трошеле парите. Ние ќе имаме транспарентен буџет и ќе бидеме транспарентна општина за сите, нагласи кандидатот за градоначалник на Битола од СДСМ и Коалицијата, Петровска.