Петровска – Резников: Украина ја има нашата поддршка за одбрана на својата сувереност и независност

Од:

Изразуваме почит и поддршка кон украинскиот народ, за храброста, истрајноста и решителноста да ја одбрани сопствената територија, изјави министерката за одбрана Славјанка Петровска на денешната прес-конференција по средбата со нејзиниот украински колега Олексеј Резников во Киев.

– Ваков чин на брутална агресија и терор врз цивилно население, деца, жени, стари лица се незамисливи за која било цивилизација во 21-от век. Затоа од самиот почеток, Владата на Република Северна Македонија ја осуди руската агресија врз Украина, која е неоправдана и со ништо не е испровоцирана. Без двоумење застанавме на страната на правдата и човечкото достоинство, на страната на вистината, рече Петровска.

Таа упати порака до украинското лидерство и украинскиот народ дека Северна Македонија силно ја осудува руската агресија врз Украина и даде полна поддршка за нејзиниот суверенитет и правото на самоодбрана.

– Ние бевме јасни и гласни од самиот почеток на агресијата, пред речиси точно една година, кога рековме „не“ на крвопролевањето, „не“ на уништувањето во 21 век. Мирот мора да биде вратен веднаш, потенцира Петровска.

Би можело да ве интересира

Зеленски: Путин не е во затвор, тоа е најголемиот компромис досега

Орбан: Планот на ЕУ за забрзан прием на Украина е отворена објава на војна на Унгарија

ВИДЕО: Експлозии и огромен пожар во Русија, нападнат е клучен објект на Лукоил

ВИДЕО: Во руски напад на Харков убиени три деца

Катерина Ѓуровски

Празната украинска амбасада во Москва казнета за неплаќање струја

ВИДЕО: Русија ја бомбардираше Украина цела ноќ, Киев повторно без струја

Катерина Ѓуровски