Политиките може да бидат успешни доколку навистина се сака парите да се насочат кон граѓаните, а таков е примерот со донесениот Закон за најниска плата од 12.000 денари што го донесе Владата на СДСМ и Коалицијата во соработка со стопанствениците, истакна кандидатот за градоначалник на Битола, Наташа Петровска.
– За успешни политики потребен е контактот со стопанствениците каков што во изминативе денови и денеска остваривме, и притоа воочивме дека сите имаат еден ист проблем, а тоа е лошата инфраструктура за која општината имала обврска во минатите години да ја решава, за да ги подобри условите за работа и развој на стопанскиот сектор. Ние ќе ги решиме проблемите на стопанствениците со т.н. индустриски пат кој освен за нивниот бизнис е значаен и за голем дел од транспортерите кои во иднина повеќе ќе го користат, истакна Петровска.
Додаде дека тоа ќе овозможи да се растовари сообраќајот во централното гратско подрачје и најави дека нивната соработка со стопанскиот сектор како нова локална самоуправа ќе се интезивира.