Општина Охрид бара ВМРО-ДПМНЕ да објасни колку плата земаат волонтерите по охридските болници.
„Со наближувањето на локалните избори , се поголем е стравот во ОК на ВМРО- ДПМНЕ дека по трет пат ќе бидат поразени од актуелниот градоначалник на Охрид Александар Петрески.
– Стравот го манифестираат со секојдневни прес конференции и неаргументирани напади врз Петрески , сакајќи при тоа да го свртат вниманието на јавноста од катастрофалното владеење на ВМРО- ДПМНЕ на чело со нивниот лидер и актуелен премиер Никола Груески.
– Очигледно е дека во ОК на ВМРО-ДПМНЕ не сакаат да признаат дека нивната партија во заложништво ја држи цела Македонија , а нивните градоначалници се тие кои прават нелегални бизниси со амин на партиската централа“, велат од општина Охрид
„Ги повикуваме челниците од ОК на ВМРО- ДПМНЕ, пред јавноста транспарентно да објаснат за времените вработувања на волонтерите во Општата и Специјалната болница за ортопедија и трауматологија, колку пари плаќаат за придонеси , а земаат плата од 4.000 денари.
– Самоповиканите борци за социјални права од ВМРО- ДПМНЕ нека го запрашаат нивниот лидер Груески и министрите од нивната влада зошто на вработените во ЕМО, компанија која е во државна сопственост, не се плаќаат придонеси и стотици вработени ќе останат без здраствено и пензиско осигурување“ велат од кабинетот на градоначалникот на Охрид, Петрески.
Мики Трајковски