Петмина тајвански државјани вчера сакале да тепаат полицаец во Прифатниот центар за странци во Скопје, соопшти МВР.
„На 09.05.2021 во 17.00 часот Прифатниот центар за странци во Скопје пет лица од Тајван физички нападнале полициски службеник, кој извршувал службени дејства“, се вели во полициското соопштение.
Од полицијата само кусо велат дека се работи на расчистување на случајот. Нема информации за тоа под кои околности напаѓачите се нашле во Македонија и каков бил нивниот статус во земјава. Доколку бидат обвинети и судени за кривичното дело напад врз службено лице при вршење работи од безбедноста, агресивните Тајванци може да добијат и виза за продолжен престој до три години во некој од македонските затвори.