Град Скопје ќе почне акција за обележување со хоризонтална и вертикална сигнализација на локациите за такси станици на територијата на општина Кисела Вода. Ќе се обележат пет локации за такси стојалишта во населбите Црниче, Пржино, Расадник и Кисела Вода. Такси стојалиштата ќе имаат капацитет за вкупно 24 такси возила.
Како што информира општина Кисела Вода, такси стојалиште со капацитет за 7 такси возила ќе се обележи на локација до црквата „Св. Петка“. Четири места за такси возилата ќе се обележат на последната автобуска станица на бр.„16“ во Пржино, додека пет места за такси возила ќе се обележат пред бензинската пумпа на „Макпетрол“, веднаш до градинката „8-ми Март“ во Расадник.
Две такси стојалишта со по четири места за такси возила ќе се обележат на улица „Христо Татарчев“ („Сава Ковачевиќ“) бр. 34, односно на ул. „Христо Татарчев“ („Сава Ковачевиќ“) бр. 11.