Телото на пензионерот В.М. (1952) од Могила, на кое имало убодни рани, е пронајдено во куќа во Прилеп, каде живеел како потстанар.
Портпаролот на СВР Битола Сања Стаматова информира дека сопственикот на куќата се посомневал зошто неколку дена по ред неговиот потстанар В.М. не излегува од куќата и за тоа ја известил полициската станица во Прилеп.
– Во текот на вчерашниот ден, околу 11 часот, со асистенција на полицијата и во присуство на јавен обвинител е извршено отворање на вратата во собата каде бил сместен В.М., кој е пронајден мртов со убодни рани на телото, изјави Стаматова.
Наредено е да се изврши обдукција врз В.М., а полицијата врши и истрага за расчистување на случајот.