Претседателот Стево Пендаровски не смета дека законите за намалување на платите на функционерите се трајно решение, но поради предизборниот период овој проблем треба да виде една од првите задачи на новиот владин состав.
– Не знам дали се трајни решениеја, но да се вратиме пет месеци наназад кога во интервју побарав да го направат ова сите партиии во парламентот и бев сатанизиран и масакриран со критики од сите страни.
Сега ме чуди, да ги прашам истите зошто тогаш не го прифатија мојот предлог и зошто тогаш не ги намалија коефициентите со што го навлековме реалниот гнев на граѓаните. После одлуката на Уставниот суд која беше коректна, секој следен штрајк беше барање на покачување на платите од 78%. Доцна им текна, меѓутоа добро е што воопшто им текна.
Мојот коефициент беше четири и пол просечни плати, сега е 3,92%. Но, јазот помеѓу платите на обичниот граѓанин и функционерите останува.
Ова не е трајно решение затоа што државата ни е сиромашна. Поддржувам, но бидејќи сме во техничка влада, треба ова да биде една од првите задачи на следниот владин состав.
Има начини да се реши, но треба политичка волја – рече Пендаровски.