Пендаровски се сретна со хрватската амбасадорка Баришиќ

Од:

Претседателот на Република Северна Македонија, Стево Пендаровски, денеска ја прими амбасадорката на Република Хрватска, Данијела Баришиќ.

Како што соопштуваат од кабинетот на претседателот, двајцата соговорници размениле мислења за севкупните билатерални односи меѓу Република Северна Македонија и Република Хрватска, при што e констатирано дека се пријателски, без отворени прашања.

Претседателот Пендаровски се заблагодарил за поддршката од Република Хрватска за отпочнување на пристапните преговори со Европската унија и поддршката за членство на Република Северна Македонија во НАТО, потврдена со ратификацијата на Протоколот за пристапување на Република Северна Македонија во НАТО во Хрватскиот сабор. Тој изразил уверување дека поддршката ќе продолжи и во следниот период.

Пендаровски, како што наведуваат од кабинетот на претседателот, изразил очекување за вреднување на напорите на Република Северна Македонија од страна на Европскиот совет и скорешно одредување на датум за почеток на пристапните преговори со Европската унија, како клучен предуслов за обезбедување на напредок и трајна стабилност во поширокиот регион.

Амбасадорката Баришиќ, во име на претседателката на Република Хрватска, Колинда Грабар Китаровиќ, му честиташе на претседателот Пендаровски за стапувањето на функцијата, посакувајќи му успех во работата и изразувајќи уверување за натамошно продлабочување на пријателските односи меѓу двете држави.

Би можело да ве интересира

Претседателот Пендаровски преку видео-врска разговараше со новата амбасадорка на Литванија

Ана Ололовска

(ВИДЕО) Пендаровски: Геноцидот во Сребреница без дилема e еден од најмрачните настани во модерната европска историја

Ана Ололовска

ВИДЕО: Пендаровски во посета на Армискиот полигон „Криволак“

Ана Ололовска

Кипарскиот амбасадор по писмен пат му ги предаде акредитивите на Пендаровски

Ана Ололовска

(ВИДЕО) Пендаровски – Холштајн: Германија останува доверлив партнер на С.Македонија

Ана Ололовска

Пендаровски-Андрикиене: Специјалната мисија на ОБСЕ/ОДИХР ќе придонесе за успешен изборен процес

Ана Ололовска