Пендаровски: Оваа победа е карта за Европа, ќе бидам претседател од кој нема да се срамите

Од:

Благодарам, фаљиминдерит, ви благодарам граѓани Македонци, Албанци, Срби, Турци, Роми, Бошњаци и сите останати кои на кристално чисти, фер, европски и демократски избори одлучивте да продолжиме заедно напред, рече Стево Пендаровски во обраќањето до јавноста, каде беше во придружба на неговиот син и премиерот, Зоран Заев.

Пендаровски истакна дека победата е на мнозинството граѓани на Република Северна Македонија, кои се обиединиле за концептот „Заедно напред“.

„Победија граѓаните и свечено сакам да објавам дека ќе им служам посветено на сите. Исходот од овие претседателски избори значи загарантиран пат напрад за сите граѓани, кон европскиот и развиен свет каде што припаѓаме“, нагласи тој.

Додаде дека победата на неговата програма носи иднина и карта за Европа, односно дека е доказ оти прогрес е можен само кога граѓаните се обединети.

„Во јуни кога ќе го добиеме датумот за преговори, знајте дека е макотрпно заслужен. Ќе се залагам за правичност и правна држава, ќе се залагам за секој чесен граѓанин. Ќе бидам фактор на стабилност, а не извор на кризи“, порача Пендаровски пред присутните.

Во говорот тој им се заблагодари на премиерот Зоран Заев и за сите кои имале верба во концептот „Зедно напред“, сите 31 парија кои го поддржале, но упати и благодарност до противкандидатите Гордана Сиљановска и Блерим Река кои, како што кажа, дале придонес за демократски и кристално чисти избори.

„Ќе бидам претседател на сите и поддршка на владата за сите важни проекти во корист на граѓаните, ама и ќе критикувам секаде какде што мислам дека може подобро и повеќе“, нагласи Пендаровски.

На крајот уште еднаш заблагодарувајќи им се на гласачите од сите етнички заедници тој порача дека ќе биде претседател на државата од кој нема да се срамат и тука и во странство.

Би можело да ве интересира

(ВИДЕО) Самка Ибраимовски: Доста е да не водат семејни кланови и партиски потрчковци

Орце Костов

Таравари: Mладите се јадрото на населението, иселувањето на младите е државен аларм

А1он

Претседателските кандидати до кампањата не смеат да трошат пари од трансакциската сметка наменета за изборна кампања

Горан Наумовски

Ахмети: Александар Дугин, главата на руските политики има партија во Македонија

Ахмети и Реџепи потпишаа коалиција: „Европскиот фронт“ ќе биде носител на промени, „да“ за ЕУ, „не“ за Русија

Во Русија: Најмалку 74 уапсени за протести за време на претседателските избори