Пендаровски од Виница: Младите заслужуваат да живеат во европска држава, одиме напред

Од:

Кандидатот за претседател Стево Пендаровски, на трибина во Виница порача дека младите на овој град заслужуваат да живеат во европска држава, во европска Виница, град со дух, традиција и модерни европски вредности.

Пендаровски посочи дека можеме да успееме само со слога и поддршка за најважните прашања, да нема патриоти и предавници.

„Сите заедно си ја сакаме нашата единствена татковина ,нашата единствена партија мора да биде Република Северна Македонија. Позиција и опозиција мора да разберат дека економски напредок може само во евроатлантските интеграции. Да го поддржиме овој пат, оваа опција која нуди европска иднина, напредок и прогрес, да си ги задржиме овде младите“, рече Пендаровски.

Со влегувањето на нашата земја во Европската унија, додаде Пендаровски за младите се отвораат можности за студирање во европското семејство, пракса, работа, патување и европска перспектива.

„Договорите кои се склучија беа тешки но и нужни за да ги отвориме портите на Европа. Без тоа нема надеж за новите генерации, за младите. Опозицијата, нуди поништување на се што е добро направено за оваа држава. Ние со време го фативме возот за НАТО, никој нема да се осмели да ја загрози безбедноста на нашата држава “, рече Пендаровски во Виница.

Би можело да ве интересира

Пендаровски прв на гласачкото ливче, ДИК ја одреди ждрепката за првиот круг

Орце Костов

Пендаровски го осуди нападот во московската концертна сала Крокус

А1он

Пендаровски со поддршка за младите лекари, секој мора соодветно да биде вреднуван за својот труд

Пендаровски: Дали Николовски како пратеник на ВМРО-ДПМНЕ има донирано барем еден денар?

Пендаровски: Статусот, положбата и улогата на жените е јасен показател за степенот на демократијата во едно општество

Горан Наумовски

Пендаровски: Потребна е конструктивност во односите со Бугарија, постоењето македонско малцинство е факт

Горан Наумовски