67-годишна жена од Виница пријави во полиција дека е измамена од едно лице за сума од 12.400 евра.
Според пријавеното, лицето ја контактирало телефонски, се претставило како лекар и кажало дека нејзината снаа имала тешка повреда на работното место и дека се потребни пари за да се направи операција.
Како што е пријавено, таа ги подигнала парите од банка и ги оставила на местото, каде што ѝ кажало лицето, но подоцна сфатила дека била измамена.
Од полицијата велат дека се преземаат мерки за расчистување на случајот.
